काठमाडौं । धादिङबाट काठमाडौँ आउँदै गरेको बसमा स्रोत नखुलेको रुपैंयासहित प्रहरीले एक युवकलाई पक्राउ गरेको छ।
पक्राउ पर्नेमा नवलपरासी बर्दघाट नगरपालिका वडा नम्बर ६ बस्ने २२ वर्षीय टिकाराम भट्टराईलाई रहेका छन् । शुक्रवार चन्द्रागिरि नगरपालिका वडा नम्बर २ नागढुङ्गास्थित चेक प्वाइन्टमा खटिएको प्रहरी टोलीले स्रोत नखुलेको ३९ लाख ५० हजार रुपैयाँ सहित पक्राउ गरेको थियो।
ना ४ ख ९६७४ नम्बरको बसको ग्यालरीमा झोला बोकी आएको टिकारामले बोकी ल्याएको हरियो रङको आर्मी कम्ब्याट खालको झोलाभित्र रकम फेला परेको थियो। स्रोत खुलाउन नसकेपछि प्रहरीले युवकलाई हिरासतमा राखेको छ।
