Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
ब्रेक फेल भएको एक ट्रकले २० देखि २५ वटा सवारी साधनलाई ठक्कर दिँदा कम्तीमा नौ जनाको मृत्यु भएको छ भने करिब २० जना घाइते भएका छन् ।
काठमाडौं । भारतको पुणे शहरको बाहिरी इलाकास्थित नवले पुल नजिकै बिहीबार साँझ सडक दुर्घटना भएको छ । ब्रेक फेल भएको एक ट्रकले २० देखि २५ वटा सवारी साधनलाई ठक्कर दिँदा कम्तीमा नौ जनाको मृत्यु भएको छ भने करिब २० जना घाइते भएका छन् ।
दैनिक भास्करको समाचारअनुसार एउटा ट्रकको ब्रेक फेल भयो र त्यसले सुरुमा एक कारलाई ठक्कर दियो । ठक्करपछि कार अगाडि रहेको कन्टेनरसँग ठोक्कियो, जसका कारण आगो लाग्यो । ठक्कर दिने ट्रकमा पनि आगो सल्कियो र जल्यो । दुर्घटनामा कारभित्र रहेका पाँच जना जिउँदै जलेको समाचारमा उल्लेख छ ।
मृत्यु हुनेहरूमा ट्रक चालकसहित नौ जना रहेका छन् । प्रहरीका अनुसार यो दुर्घटना पुणे नाशिक राजमार्गको भोरगाउँ नजिकै भएको थियो । दुर्घटनापछि प्रहरी र दमकलका गाडीहरू तत्काल घटनास्थलमा पुगेका थिए । उनीहरूले आगो नियन्त्रणमा लिएर उद्धार कार्य अगाडि बढाएका थिए । दुर्घटनामा घाइते भएका करिब २० जनालाई तत्कालै नजिकैको अस्पतालमा भर्ना गरिएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
