Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । इरानले रातभर विभिन्न खाडी देशतर्फ ड्रोन र मिसाइल आक्रमण गरेको छ। दुबईका अधिकारीहरूले एयरपोर्ट क्षेत्रमा लागेको आगो अहिले नियन्त्रणमा आएको जानकारी दिएका छन्।
एक ड्रोनको फ्यूल ट्याङ्कसँग ठोक्किएपछि आगलागी भएको थियो, तर यस घटनामा कोही पनि घाइते भएको खबर छैन।
यो युद्धको क्रममा इरानले संयुक्त अरब इमिरेट्स (यूएई)तर्फ करिब २ हजार मिसाइल र ड्रोन प्रहार गरिसकेको बताइएको छ। तीमध्ये धेरैजसो एयर डिफेन्स प्रणालीले आकाशमै नष्ट गरेको जनाइएको छ।
साउदी अरबले पनि रातभरि धेरै ड्रोन खसालेको दाबी गरेको छ। त्यस्तै, इराक र कुवेतले पनि नयाँ आक्रमण भएको जानकारी दिएका छन्।
यसैबीच लेबनानको राजधानी बेरुतमा ठूलो विस्फोट भएको छ। इजरायली सेनाले हिज्बुल्लाहको संरचनालाई निशाना बनाएर आक्रमण गरेको जनाएको छ।
इजरायलमा पनि सतर्कता बढाइएको छ। उत्तरतर्फ हिज्बुल्लाहका मिसाइल र दक्षिणतर्फ इरानी मिसाइल आउन सक्ने चेतावनीपछि विभिन्न स्थानमा साइरन बजाइएको थियो।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
