वर्षाले सिद्धिचरण राजमार्ग अवरुद्ध

काठमाडौँ । यही वैशाख २६ गतेको बेमौसमी वर्षापछि आएको बाढीका कारण उदयपुरको कटारी नगरपालिका–१४ दलदलेस्थित सिद्धिचरण राजमार्ग पूर्ण रूपमा अवरुद्ध भएको छ। शनिबारदेखि सडक खण्डमा अवरोध आएपछि यातायात सेवा ठप्प भएको हो।

केन्द्रीय प्रहरी प्रवक्ता एवं प्रहरी नायब महानिरीक्षक अविनारायण काफ्लेका अनुसार बाढीले सडकमा क्षति पुर्‍याएपछि सो राजमार्ग भएर चल्ने सवारी साधनहरू बीच बाटोमै रोकिएका छन्।

यसैबिच सम्भावित बाढी र पहिरोको जोखिमलाई मध्यनजर गर्दै काभ्रेपलान्चोकस्थित बीपी राजमार्ग (सिन्धुली–खुर्कोट–नेपालथोक–कटुन्जेबेँसी सडक खण्ड) मा रात्रिकालीन सवारी सञ्चालनमा रोक लगाइएको छ।

यही वैशाख २१ गतेदेखि नै लागू हुने गरी बेलुका ५ बजेदेखि बिहान ५ बजेसम्म सम्पूर्ण सवारी साधन सञ्चालन गर्न अर्को आदेश नभएसम्मका लागि प्रतिबन्ध लगाइएको प्रहरीले जनाएको छ।

प्रहरीले यात्रुहरूलाई सडकको अवस्था बुझेर मात्र यात्रा गर्न र सुरक्षा सतर्कता अपनाउन अनुरोध गरेको छ। अवरुद्ध सिद्धिचरण राजमार्ग खुलाउने प्रयास भइरहेको समेत जानकारी दिइएको छ।

वर्षाले सिद्धिचरण राजमार्ग अवरुद्ध

वर्षाले सिद्धिचरण राजमार्ग अवरुद्ध

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय