Jul 28 2026 | २०८३, साउन १२ गते
Jul 28 2026 | २०८३, साउन १२ गते
काठमाडौं । कपिलवस्तुको शिवराज नगरपालिका-३ मा खडेरीका कारण अधिकांश चापाकल सुकेपछि खानेपानी अभाव हुन थालेको छ । पहिले सहजै पानी आउने ठाउँमा पनि अहिले संकट आएको स्थानीयले बताएका छन् ।
मदवा, खरेन्द्रपुर, सोनवर्सी, शान्तिपुर, हर्ष बाहिनी टोल, स्वर्गद्वारी टोल तथा मदवा डाँडा टोल क्षेत्रमा भूमिगत पानीको सतह घटेको वडाध्यक्ष टेकलाल सापकोटाले बताए ।
खानेपानीको समस्या भोगिरहेका वडाबासीलाई राहत प्रदान गर्न वडाअध्यक्ष सापकोटाले ट्याङ्करमार्फत घरघरमा पानी वितरण अभियान सुरू गरेका हुन् । हाल दैनिक ५-६ वटा ट्याङ्करमार्फत पानी वितरण भइरहेको उनले बताए ।
वडाले प्रत्येक घरपरिवारलाई हाल १०० लिटरका दरले खानेपानी उपलब्ध गराउँदै आएको छ ।
वडा कार्यालयले खानेपानीको अभाव कायम रहेसम्म आवश्यकताअनुसार पानी वितरण कार्यलाई निरन्तरता दिने जनाएको छ । लामो समयदेखि परेको सुख्खाका कारण जनजीवन प्रभावित बनेको अवस्थामा घरघरमै पानी उपलब्ध हुन थालेपछि राहत महसुस भएको स्थानीय नवराज पौडेलले बताए ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
