'अहिले तामाङ गीत, संगीतमा बिकृती भित्रीएको र यसलाई तामाङ कलाकार संघसंग रोक्नेरकार्वाही गर्न सक्ने नियम नभएको कारण खबरदारी मात्रै गरिराखेको बताए ।'

काठमाडौँ । तामाङ मौलिक डम्फु गायक तथा संगीतकार बैरागी मोक्तान र पासाङ लामाको प्रतिक्षित “चनखु गाउँको झिल्के म” बोलको म्युजिक भिडियो सार्वजनिक भएको छ । चन्द्रकुमार दोङको प्रमुख अतिथिमा भएको कार्यक्रममा भिडियो सार्वजनिक गरेको हो । 

कार्यक्रममा उपस्थित तामाङ कलाकार संघका अध्यक्ष संजीव वाइवाले भिडियो सफलताको शुभकामना दिँदै, 'अहिले तामाङ गीत, संगीतमा विकृति भित्रिएको र यसलाई तामाङ कलाकार संघसंग रोक्ने र कारवाही गर्न सक्ने नियम नभएको कारण खबरदारी मात्रै गरिराखेको बताए ।'

त्यसैगरी कार्यक्रमको प्रमुख अतिथि चन्द्रकुमार दोङले भिडियोको दृश्य एकदमै सुन्दर लागेको र गीतमा शब्द चयन असाध्यै राम्रो र मन छुने रहेकोे बताउँंदै कलाकारहरु सबैको काम उत्कृष्ट रहेकोे र भिडियोलाई दर्शकले अत्यधिक रूपमा रुचाओस भनी शुभकामना समेत व्यक्त गरेका थिए ।

त्यस्तै बिमोचन कार्यक्रमका सभाअध्यक्ष तथा गायक मोक्तानले भिडियो राम्रो बनाउनको लागि कलाकार टिमले धेरै मेहनत गरेको बताउँदै भिडियो बनाउन सहयोग गर्ने सम्पुर्ण सहयोगीहरुलाई एकमुष्टमा धन्यवाद व्यक्त गरेका थिए ।

बैरागी मोक्तानको आफ्नै शब्द संगीत र स्वरमा रहेको गीतमा सेलो गायक पासाङ लामा ,गायिका शशिकला मोक्तान र बबिता पाख्रीनले उनलाई स्वरमा साथ दिएका छन् ।

रामेछाप चनखुको आसपासमा छायांकन गरिएको भिडियोमा मोडल सम्झना तामाङ,अमीर पाख्रीन,लक्ष्मन मोक्तान ,मोनिका लामा,सुरेश मोक्तान ,पासाङ लामा र बैरागी मोक्तानले अभिनय गरेका छन् ।

भिडियो हेर्नुहोस्: