Jun 04 2026 | २०८३, जेठ २१ गते
दक्षिणको कालो बादल उत्तरतिर सर्यो
चम्किहाल्यो बिजुली गड्याङगुडुङ गर्यो
हेर्दाहेर्दै एकैछिनमा पर्यो ठुलै पानी
गडगडाए खहरे र खोल्साहरु अनि ।।
एकछिनअघि चर्को घाम छिनमै दर्के पानी
उर्ली आए खोलानाला लगे घरै तानी
छिनमै हुने खडेरी त छिनमै बर्खे भेल
हेर कस्तो अचम्मको प्रकृतिको खेल ।।
पहाडमा पैह्रा गए तराई भयो ताल
डरैलाग्ने गरी उर्ले नदीका ती छाल
पहाड तराई जता पनि हुनसक्छ हानी
सुरक्षित हुन्छौँ है अपनाएमा सावधानी ।
-नरिश्वर गौतम
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij