Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
कविता - बदलिदो मौसम
भदौ लाग्यो मकै पाके
लैना ब्याए बकेर्ना थाके
तरकारी अन्न घरमा राखे
पहेँला काँक्रा बोराले ढाके ।।
चाडपर्वले गाउँसहर ताके
लाहुरेका घरमा देवी भाके
परदेशीलाई घरमा डाके
बाटो बन्यो गाडी हाँके ।।
गर्मी हट्यो न्यानो भयो
वर्षा झरीको मौसम गयो
रङ्गीचङ्गी फूलहरु फुले
खेतमा धान लहलह झुले ।।
धर्ती आकाश खुलेर आयो
बालवृद्ध सबको मन रमायो
चरीले पनि मीठो गीत गायो
हेर सर्वत्र खुशियाली छायो ।।
– नरिश्वर गौतम
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
